U3F1ZWV6ZTc1NDI4ODE4NTkzNTZfRnJlZTQ3NTg3MDIxMTYxNTY=

رباعيات / الأهرام نيوز

رباعيات

 

بقلم / ابوعدنان


زمان كان فيه حشيش وخشخاش


دالوقت خلق كتير ما بتخشاش

اخترعولهم ماكس وترمادول


لجل ما يموت الإنسان ويروح بلاش


بيضرب مراتو وعيالو


بعد ما كان طيب أتغير حالو


ف الحيط نازل تخبيط


نفخو ها يطق من من إللي جرالو


تقولو حصل يقول ما حصلش


بيلف حبل حولين رقبتة وجنش


سرق تحويشة عمرة فتح بايدة قبرة

ما خلاش حتى حتتين العفش


تعب كل الناس من حولية

حاوطوة وربطوة من رجلية


بعد ما فاق زرق ضرب ابرتين


كلها ساعتين والناس بتترحم علية


بتبدي النصح لمين في دنيانا


ناس في الكيف غرقانه


الكيف زي الطيف تنتشي في لحظات


وبقية اليوم الجتة همدانة


***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة