U3F1ZWV6ZTc1NDI4ODE4NTkzNTZfRnJlZTQ3NTg3MDIxMTYxNTY=

لكل ام واقفه علي خط النار مضحيه بعمرها وسعادتها وووقتها / بقلمي / بدرى ابوخزيم / الأهرام نيوز

لكل ام واقفه علي خط النار مضحيه بعمرها وسعادتها وووقتها / بقلمي / بدرى ابوخزيم


بقلمي / بدرى ابوخزيم


وصحتها
بقولها
(ام عيالي)
ام عيالي الاصيله
القريبه الكريمه
ياللي شمسك
عليا دافيه
وقمرك ديما بالليل
بيطمن عليه
ماانتي حيطان بيتنا
وانتي الدفا لحياتنا
شايفه ازاى انتي لامه
ومحوطه عيلتنا
بس اشوف قسوتك
علي العيال
وربايتهم
اتاريكي عايزه
تطلعي
رجاله ومعاهم ابوهم
طفى النور
نور ربنا موجود
مع ان المغرب
والشمس غابت
من عهود
استيكة حازم مورياها الويل
والقلم بيتكسر
ميت الف قلم تانيين
ومروان وهذاره
الرخم يسمع كلمه
ويطنش ميت الف كلمه
وصوتها يعلي
ومعاه الضغط يعلي
ياعيني صعبانه عليا
يخليها تصوت منه وتولول
وجرى علي التليفون
يابدرى
شوف عيالك
خلوني فى الشعر اشد
تعبت منهم ومن عمايلهم.
اسف
وانا لما اجي حوريهم الويل
وهعلقهم
وعلي ايديهم هضربهم
بس ماتبقيش زعلانه
وحازم هكسرلك دماغه
ومروان هشده من ودانه
طب انتي فين شبشبك
او جزمتك
تقولى بيصعبوا عليه
والقلب ده رازيه
طب لما اجيلك
هشفي فيهم غليلك
تقولى لا خلاص
مالكش دعوه بيهم
مروان جه وباس علي ايدي
شافه حازم
وطي علي راسي
وكمان باس ايدي
يعني خلاص؟
بس ماتجيش تشكيهم
تاني يابنت الناس
انا عارف انتي شايله
ومتحمله معايه غلاستهم لانهم عياال
ومتحمله قسوه
ومرار الايام
بس اقولك
شكراا ياام العيال
وربنا يخليكي
ويديكي
ويسعدك
ويحافظ عليكى
شكرااااااااااا
ياهاااااااانم
ياست الاميرات
واميرة الستات
ثلاثتنا ينحني
ويقبل يديكي
العظيمه
الحنينه
فلكي كل الاحترام
والتقدير

ياهاااانم 


***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة