U3F1ZWV6ZTc1NDI4ODE4NTkzNTZfRnJlZTQ3NTg3MDIxMTYxNTY=

تيجي نتبادل..../الأهرام نيوز


 

سحر ابوالعلا


تيجي نتبادل

تيجي نتبادل قلوبنا

قلبي ينبض جوة منك

جوة منى يدق قلبك

كل واحد فينا يزرع

جوة من التاني حياة

جوة منى تعيش و تحلم

جوة منك ارسم حلم 

و اعيش معاه.

قلبي بحر ترمي فيه

حمل قلبك لو في يوم

ضاقت الدنيا عليه.

قلبك انت دنيا واسعة

تسعي قلبي باللي فيه.

قلبي يتحمل جنانك

يرسم الفرحة عشانك

يبقي كل الكون براحك

وحدك انت تخطي فيه.

قلبك يرسملي طريق

وقت حيرتي يكون صديق

فى وسط توهتي القاه رفيق

ايدي ما تضيع من اديه.

تيجي نتبادل قلوبنا

قلبي ليك يكون حياة

قلبك ليا طوق نجاة.


#السلطانة


***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة