U3F1ZWV6ZTc1NDI4ODE4NTkzNTZfRnJlZTQ3NTg3MDIxMTYxNTY=

غريب / الأهرام نيوز

غريب

 

 بقلم /  ابوعدنان


كنت ماشي في طريق

حاسس اني بطيء غريق

مع إن الدنيا زحمة

بدور ف كل العيون

على واحد مش حزين


والناس كتير حوليا

نفس العيون القديمة هيا هيا

مرار و هم واسية


والظروف يا عيني صعبة


اكونش يا ناس بيتهيالي


غريب و سط ناسي و أهلي


صوت من بعيد ندهلي


اتاريها الدنيا جاية عليا

وبتلبسني توب الغربة


راحو فين صحابي


ولا يكونش زعلهم عتابي


معقوله يا دنيا ما حد خبط على بابي


أمال إزاي كنا بنقول عليهم أحبة


دموعي زهقت من دموعي


بيعي و اشتري فيا يا دنيا بيعي


وحالا هااعلن استسلامي


وكمان خضوعي


بعد ما فاتونا قبل ما نقولهم

ياحبايبي و حشتونا


كنت مستني بحنانكو تدفونا


أو حتى كلمة حلوة

أو ذكرى مابينا تفكرونا


بيعي يا دنيا تاني وبيعي


ماهنت عليهم وهانت دموعي


كانو معايا سمن على عسل


معرفش ايه غيرهم واية إللي حصل


لوكنت غلط خلاص خلاص


دالوقت أنا بعلن التوبة


بس من الغربة يرحمونا


ويرحمو بكايا و انيني


ازاي أعيش وحداني


طول عمري وسنيني


وازاي اراضيكي يا دنيا بعد ما خدعتيني


وأحس إني بين أهلي وناسي


واكدب ظني واحساسي


وتاخديني ف حضنك من تاني


وتحلو اللمة


ماشي في طريق

بطيء وغريق

وعايش في الغربة


والناس كتير من حوليا


نفس العيون هيا هيا

كدب وعش واسية


غريب و حداني


مع إن الدنيا زحمة


***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة