U3F1ZWV6ZTc1NDI4ODE4NTkzNTZfRnJlZTQ3NTg3MDIxMTYxNTY=

الجو محتاج مطر / الأهرام نيوز

الجو محتاج مطر

 

الأديبه الشاعره/ نهى حمزه


الجو محتاج مطر

يغسل تراب الدنيا

ويطهر قلوب البشر

يرجع خضار الشجر

فين يا زمن

لما كان يجي ربيع

بعد السقيع

يدفي القلوب

يمسح ذنوب

الخريف

وخربشة الغصون

لما تجف أوراق الشجر

الروح متشوقه

لحبات المطر

تغسل عيون البعاد

من غير معاد

ينزل وداد

يطرد عناد

ترتاح عيون الحبايب

من التعب وغبار السفر

مستنيين المطر

يهدينا فى كفوفنا

حبات نمسح بها خوفنا

زى دمعات العيون

فوق الجفون

رحمة نظر

يدوب رمل وحجر

الود ودى أرنله الخلخال

ينزل من سماه

يهدى علينا الحال

يبلل الأرض ويروى الشجر

وقرص الشمس بدفاه

يقول الليله ليلتك ياقمر

ينور الروح ضياه

والجو محتاج مطر

حبة مطر

كلام النهى


***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة