U3F1ZWV6ZTc1NDI4ODE4NTkzNTZfRnJlZTQ3NTg3MDIxMTYxNTY=

مين اللي قالك/الأهرام نيوز


  بقلم /ابوعدنان

مين اللي قالك عليا إني فلاتي

دانا كل الخلق بتحلف بحياتي

وصامد على مبدأي

من ساعة ما وعيت ع الدنيا

ولحد مماتي

مين اللي قالك عليا إني فلاتي


أنا بحب الناس الغلابة

ومغروز بمية حب وطيابة

أنا صوت الحق في دنيا الديابة

وبحب أمي وأختي وبحب اخواتي

أنا بصلي و أقرأ القرآن

والصبح بدري اقول يا حنان


أكرمني أنا وبني الإنسان

وبدعيلك في كل صلاتي


طول عمري ماشي ف حالي

بغني غنوتي الحزينه و موالي


بداري دموعي وضعفي و خوفي

وبضحك عساني ف يوم أحقق آمالي


مين اللي قالك عليا إني فلاتي


زرعت الخير وبستنى الحصاد


وكل الكلام سمعته قبل كدة


كلام ماسخ عاد


حلمي مستني على معاد


وبحاول اداري وجعي و اهاتي


لو مش مصدقاني يبقى اية فايدة الكلام


ولو مش مؤمنة بحلمي


ولو مش حاسة بالمي


وحروفي و نثري وشعري


يبقى كل دا أوهام


ولية أسرد حكاياتي


مين اللي قالك عليا إني فلاتي


وقعت مرة ومش هاتتكرر


وكل باب قصدته مقفول ف وشي ومتسكر


بكرة راح تشوفي لما أكبر وأكبر


وافكرك بكل ذكرياتي


أنا مش مغرور زي ماقالولك


ولا دا وصفهم إللي وصفهولك


دول حساد وكارهين


وبحلمي مش مصدقين


وإنتي ست العارفين


إن الريح شديد و عاتي


حبي ليكي مش حضن و قبلات


ولا ليل عدى و فات


ولا حتى شويه صور و ذكريات


حبي ليكي حب للوجود


ساكن في قلبي وتملي موجود


ياحبيبتي اسألي عني

أنا عمري ما أخلف الوعود


حتى لو فيه موتي


ولو مت يا حبيبتي ها تفضل باقيه كلماتي


مين بس قال عليا إني فلاتي


***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة