U3F1ZWV6ZTc1NDI4ODE4NTkzNTZfRnJlZTQ3NTg3MDIxMTYxNTY=

الرسام / الأهرام نيوز

الرسام

 

بقلم الشاعر عبدالله رجب ابوعدنان


لعبتي الكلام

وهوايتي النظم


بريشه رسام

برسم وجع وألم


عام ورا عام


بنجري ونحلم


بنذق ف الأيام


ويراودنا العشم


ضباب وغمام


بكا و ظلم


سرب الحمام

بيوشوش العلم


وطفل ع الرصيف بينام


نفسة يحلم ويحلم


ببكرة وبخطوة لقدام


نفسة ينطق ويتكلم


نفسة يكسر الخوف جواة


بأعلى صوت يصرخ ويقول اة


لية طول عمرك يا حياه


ولا انتو بتسمو دي حياة


ذل وانكسار وعدم


ليل طويل 

ومستني الفجر


بكا و عويل


ودموع زي حبات المطر


حتى الحزن في بلدنا


بيقولو علية. نصيب وقدر


ومن فرط الخوف


كدب القلم

بيحلم بدنيا العدل


ونقضي على كل الجدل


هوا الفرح لية اتبدل


والضحكة الحلوة


بقت عوج و هطل


والاحساس جوانا


مات واتقتل


وجبل الحب بقا كوم تراب


من كتر الاسية انهدم


الشعر نبض واحساس


مش أي كلام وخلاص


ولأنك تخاطب ود الاغنيا


أو إنك تغمض عنيك


والغلابة ع الأرصفة مرمية


بنظرة وسكوت بيشتكيك


إنت اية غيرك يا بن آدم


الأرض إللي بتمشي عليها


والمية إللي بتشربها


والهوا سوا بنتنفسو


والدود مستنيني و مستنيك


ومصيرنا لزوال وعدم


***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة