U3F1ZWV6ZTc1NDI4ODE4NTkzNTZfRnJlZTQ3NTg3MDIxMTYxNTY=

نساء / الأهرام نيوز

نساء

 

بقلم / ابوعدنان

الأولى
ف بطنها شالتني
وبحنانها رضعتني
عمرها ما بكتني
أنام و أرتاح على حجرها
أول ما عنيا فتحت
وبدموع عنيها فرحت
وكتير ياما سامحت
والرحمة ف قلبها
كبرت قدام عنيها
ومهما أقول عمري ما اوفيها
ربي يبارك فيها
ويطول ف عمرها
التانيه
جات بعد خمس صبيان
ف عنيها حب بيبان
أختي وحتة مني كمان
والطيبة طبعها
تبوسني على جبيني
ولا ف يوم تعاديني
ف فرحي ووجعي
تجري بالشوط تهنيني أو تواسيني
ف قلبي وعيني
ولحد ما اموت بحبها
التالتة
حبيبتي الغاليه إيمان
ماتت وسابتلي الأحزان
أول حب صادق م القلب
اتحملت عصياني وعنفواني
اتحملت وجع وألم بالشريان
وحرمتني من ضحكة حلوة
وطيبة قلب وبتبكي الصور ع الجدران
وعلى قبرها
مكتوب الحب لية عنوان
ها فضل أحبها و أحبها
مهما طال بيا الزمان
الرابعه
عاشت ما بين ضلوعي
اختارت العزلة والفرقة
اختارت دموعي
ونسيت أنها طرحت زهرة
ياحبيتي لية هانت العشره
كنتي فكري قبل ما تبيعي
وذكرياتها شاهد عيان
الخامسه
ملكت قلبي واثرتني
ف كل لحظة تبرهن إنها بتحبني
هيا حياتي وأملي
هيا السكن
اعدي بيها المحن
من غدر الزمن
هيا الملاز و الحضن الدافي
فرحتي و دموعي والشجن
وآخر بختي
الراحه والحنان
السادسه
أول فرحة أحسها
من قلبي بحبها
حصن أمان وأنا جمبها
تلعب في دقني ونضارتي
هيا ثمرة السنين وحكايتي
تطلب غزل البنات واجيبلها
مصاصه وبنبون
أغلى شيء ف الكون
ولما كبرت فستان الفرح
ف حضني وأنا بودعها
بنتي حبيبتي مين زيها
أمي وأختي وحبيبتي وبنتي
والكون اتخلق من أجلها
تقدر تعيش من غيرها
لو تقدر بطل تحبها
و ما تبصش على ثغرها
واللون الاحمر على خدها
طب وحنانها و طيبه قلبها
وحلو خداعها و مكرها
وغيرتها و شفايفها
وكلامها وحديتها
بالحب تملكها وتعشقها
ولو ظلمتها أو قتلتها
يبقا بتموت جواك الإنسان

***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة