U3F1ZWV6ZTc1NDI4ODE4NTkzNTZfRnJlZTQ3NTg3MDIxMTYxNTY=

عود القصب / الأهرام نيوز

عود القصب

 

بقلم / ابوعدنان


خادتك وإنتي زي عود القصب

ناشفة و عوجة وقلبك معذب

لية دالوقت تخليني اتعصب

وبالخيانة تقتليني

ما كنتش عارف لك بطن من ضهر

حزينة وحياتك كلها قهر


طلبتي يكون حبي ليكي مهر

وافقت ساعتها

وقلت قلبي اللي اختارها

زرعت الزرعة

رويتها بالحزن والدمعة

سامعاني و لا مش سامعه

خلتيني اكدب على نفسي وروحي


وعلى الناس والناس من طيبتها مصدقاني

ولما كدبت كان علشانك

صدقيني


كنت فاكرك أمل بكرة يكبر و يرعرع

ولما أقول بحبك الكون كله يسمع


عمري ما فكرت افلسع أو اخلع


من أول يوم بودره

اقول لنفسي يا واد دي كانت سمرة


وشربت وكنك قدامي عشرة


وكاسات المر ترويني

اوعاكي فاكرة مش واخد بالي


أنا اتغيرت واتغير حالي

حتى صحابي وخلاني

قالولي ارجع لنفسك وحب إللي يحبك


ما تجريش و را حب مزيف


ياريتني سمعت كلام أمي قالت لي بلاش


دا سكر وعسل بس في الأول


وفي الآخر مرار

ياامي أنا بعشقها قالت لي لا ما تعشقهاش


إللي اتعود أنة يبيع الحب عندة ما يسواش


وبكره على تربتي تقف وتجيبني


يكونش فاكراني هاقف و اتفرج


أنا مش بهلوان ولا مهرج


صحيح خلقن من ضلع أعوج


تيجي تعدلو ينكسر


أقولك ادي المقدم وادي المؤخر


صورك و ذكرياتك وعفشك


مقدرش اعيش على غشك


احط وشي ازاي في وشك


أحسن ليا وليكي إنك تفارقيني


خدعتيني من أول يوم


وكلة كوم والخداع كوم


والكدب حبالة قصيره ما بيدوم


وبالحب الصادق

تاخدي قلبي وروحي وعيني


***********************


***********************

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة